ક્રિકેટમાંથી નિવૃત્તિ પછી ડીન જોન્સ એક્સપર્ટ કોમેન્ટેટર તરીકે કાર્યરત હતા

  • નેવુના દાયકાની ઓસ્ટ્રેલિયન ટીમમાં વન ડાઉન બેટ્સમેન તરીકે ડીન જોન્સ આધારભૂત ખેલાડી ગણાતા હતા
  • IPL કોમેન્ટ્રી સાથે જોડાયેલ જોન્સ વિવિધ ચેનલ્સ પર ક્રિકેટ સંબંધિત શોનું સંચાલન પણ કરતા હતા

ઓસ્ટ્રેલિયન ટીમના પૂર્વ ક્રિકેટર ડીન જોન્સનું 59 વર્ષની ઉંમરે મુંબઈ ખાતે હાર્ટ એટેકના કારણે અવસાન થયું છે. એલન બોર્ડરની કેપ્ટનશીપ હેઠળની અપરાજેય મનાતી ઓસ્ટ્રેલિયન ક્રિકેટ ટીમમાં ડીન જોન્સ આધારભૂત ખેલાડી ગણાતા હતા. હાલમાં ચાલી રહેલી ઈન્ડિયન પ્રિમિયર લિગ (IPL)માં કોમેન્ટ્રી આપી રહેલા જોન્સ મુંબઈની સેવન સ્ટાર હોટેલમાં કોરોના સંબંધિત બાયો સિક્યોર બબલની સુરક્ષામાં હતા. ત્યાં હાર્ટ એટેક આવતાં તેમનું અવસાન થયું છે.

ડીન જોન્સ વન-ડે ક્રિકેટના નિષ્ણાંત બેટ્સમેન મનાતા હતા

મેલબોર્નમાં જન્મેલા ડીન જોન્સે 52 ટેસ્ટમાં 11 સદી વડે 3631 રન કર્યા હતા. જ્યારે 164 વન-ડે ઈન્ટરનેશનલમાં 7 સદી અને 46 ફિફ્ટીની મદદથી 6068 રન કર્યા હતા. ક્રિકેટના વન-ડે ફોર્મેટના તેઓ શ્રેષ્ઠ ખેલાડી ગણાતા હતા.

Source by [author_name]